1.
<V.> Ave rubens rosa
virgo speciosa

<V.> Iesu Christi tu es
mater gloriosa.

R° Peccatorum nostrorum
ne sis odiosa
sis  interventrix nostri
ut evadamus rostri
inimici hosti.

2.
V. Salve ardens rubus
nichil concrematus

<V.> per quam rex celorum
in mundum est natus.

R° Qui sibi te elegit
sponsam virtuosam
dominam angelorum
terre et polorum
omnium regnorum.

3.
V. Eya virga Yesse
virens et florida

<V.> munda corda nostra
nimium arida

R° Ne sinas nos perire
morte quoque dire
ut crimen evadentes
gloriam tibi dantes
in celis canentes.

4.
V. Vale imperatrix
nostra advocatrix

<V.> virtutum amatrix
munerum es datrix.

R° Splendens urna aurea
porta es reclusa
per spiritum aperta
fructu fuisti certa
nunccio reperta.

5.
V. Probleuma Samsonis
tu funda Davidis

<V.> victoriam aufers
iniquis validis.

R° Tronus es Salomonis
ornata coronis
lilium virginale
odorosum crinale
o flos estivale.

6.
V. In extrema hora
impetra filium

<V.> cum maxima turba
sanctorum milium.

R° Subvenite pro nobis
piis vestris donis
ut per vestrum iuvamen
grave hoc examen
deo demus. Amen.