1.
<V.> Angelus ad virginem
Cristi destinatur

<V.> per quem incarnacio
eius nuncciatur.

R° At virgo dum sedula
voce salutatur

admirande seriem
rei percunctatur.

2.
V. In te inquit spiritus
sanctus fecundavit

<V.> tibique altissimi
virtus obumbravit.

R° Pariesque filium
quem gens adorabit

eique perpetuum
pater regnum dabit.

3.
V. Ad consensum virginis
mox huc descendisti

<V.> et pudici pectoris
templum elegisti.

R° Virginis purissime
cellam introisti

qua nostre substancie
carnem assumpsisti.

4.
V. Pudoris signaculum
servans illibatum

<V.> et quem virgo concepit
virgo parit natum.

R° Non decet vas flosculi
esse defloratum

neque inde tollere
matris celibatum.

5.
V. Ventris habitaculum
rex regum intravit

<V.> quasi tabernaculum
hoc inhabitavit.

R° Pugnaturus propter nos
ibi se armavit

armis decentissimis
quibus hostem stravit.

6.
V. Matrem sua filia
sine passione

<V.> gignit non preambula
viri mixtione.

R° Sed ex sola spiritus
fecundacione

partus sine phisici
fit condicione.

7.
V. Eya nunc o domina
nos tibi canentes

<V.> ymnorum hec carmina
choro assistentes.

R° Precamur ut filius
tuus sic placetur

per te quod post exitum
nobis regnum detur.