1.
<V.> Dies est leticie
in ortu regali

<V.> nam procesit hodie
de ventre virginali

R° puer admirabilis
totus delectabilis
in humanitate
qui inestimabilis
est inefabilis
in divinitate.

2.
<V.> Orto dei filio
virgine de pura

<V.> ut rosa de lilio
stupescit natura

R° quem parit iuvencula
natum ante secula
creatorem rerum
quod uber mundicie
dat lac pudicicie
antiquo dierum.

3.
<V.> Mater hec et filia
pater hic est natus

<V.> quis audivit talia
deus homo natus.

R° Servus est et dominus
qui ubique cominus
nescit comprehendi
presens est et eminus
stupor ille geminus
nescit apprehendi.

4.
<V.> In obscuris nascitur
illustrator solis

<V.> stabulo reponitur
princeps terre molis

R° fasciatur dextera
qui affixit sidera
dum ascendit
concrepet vagitibus
qui tonat in nubilus
dum celos ascendit.

5.
<V.> Angelus pastoribus
suum gregem

<V.> nocte vigilantibus
natum celi regem

R° nuncciat cum gaudio
iacentem in presepio
infantem pannosum
angelorum dominum
et pre natis hominum
forma speciosa.

6.
<V.> Ut vitrum non leditur
sole penetrante

<V.> sic illesa creditur
virgo post et ante

R° felix puerpera
cuius casta viscera
deum genuerunt
et beata ubera
in etate tenera
Christum lactaverunt.

7.
<V.> Urbis dum describitur
virgo pregnans ibat

<V.> Bethleem qui nascitur
puer qui nos scribat

R° in illorum curia
que canebant gloriam
nowe dignitatis
deo in sublimibus
da pacem hominibus
bone voluntatis.

8.
<V.> Christe qui nos propiis
manibus fecisti

<V.> et pro nobis omnibus
nasci voluisti

<R°> te devote petimus
laxa quod peccavimus
ne sinas perire
post mortem nos miseros
ne simul ad infernos
paciaris ire.