1.
In hoc anni circulo
vita datur seculo
nato nobis parvulo
per virginem Mariam.

2.
<A>dam pomo vestitur
et sudor repellitur
sui wltus hodie
per virginem Mariam.

3.
Quod vetustas sufocat
hoc ad vitam revocat
nam se deus colocat
per virginem Mariam
nam se deus colocat
suffocatur hodie
per virginem Mariam.

4.
Noe pro diluvio
clauso foris hostio
archam intrat hodie
per virginem Mariam.

5.
Serpens ille calidus
cunctis animantibus
sufocatur  hodie
per virginem Mariam.

6.
O be<a>ta femina
cuius ventris sarcina
mundit lavit crimina
per virginem Mariam.

7.
Ex virgine regia
summi regis filia
plena datur gracia
per virginem Mariam.

8.
O promta humilitas
delibata castitas
quam abstraxit caritas
per virginem Mariam.

9.
Tres magi degentibus
Ihesum cum muneribus
orant flexis genibus
cum virgine Maria.

10.
Avrum regum domino
thus sacerdoti magno
mirram dant morituro
cum virgine Maria.

11.
Illi laus et gloria
decus et victoria
et virtus gloria
per virginem Mariam.

12.
Ergo nostra concio
omni plena gaudio
benedicat domino
per virginem Mariam.