1.
Ave yerarchia
celestis et pia
dei monarchia
respice nos dia
ut eruamur
erantes in via.

2.
Maria beata
doce nos mandata
nostre legis ??? grata
fac servare rata
virgo nobilis
et intemerata.

3.
Gracia divina
de superna syna
virginum regina
veniam propina
cum celerius
aurem nunc inclina.

4.
Plena dulcorosa
dona fer annosa
nostre legis glosa
ne sis odiosa
te petentibus
mater graciosa.

5.
Dominus plasmavit
Adam qui peccavit
quod malum piavit
quando te vocavit
et in utero
beatificavit.

6.
Tecum nos redemit
mundum quem exemit
Zabulon qui fregit
et in mundo de egit
ut nos aleret
postea redemit.

7.
Benedicta sola
de superna scola
deitatis stola
nos a fece cola
nostri criminis
purgatrix et mola.

8.
Inter mulieres
tu sola ad heres
deo velud heres
ut manu teneres
primogenita
quibus nos impleres.

9.
Benedictus digne
pneumatis in igne
verbum per insigne
quod tibi benigne
missus Gabriel
nunciavit digne.

10.
Ventris tui fructus
celitus eductus
per patrem instructus
et in mundum ductus
carnem summere
postea reductus.

11.
Tuum per iuvamen
pater natus flamen
det nobis solamen
iudicis examen
ne nos terreat
sed salvet nos.

Amen.