1.
<V.> Angelus ad virginem
Cristi destinatur

<V.> per quem incarnacio
tua nuncciatur.

R° At virgo dum sedula
voce salutatur
admirande seriem
rei percunctatur.

2.
<V.> In te inquit spiritus
sanctus fecundabit

<V.> tibique altissimi
virtus obumbrabit

R° pariesque filium
quem gens adorabit
eique perpetuum
pater regnum dabit.

3.
<V.> Ad consensum virginis
mox huc descendisti

<V.> et pudici pectoris
templum elegisti.

R° Virginis purissime
cellam introisti
qua nostre substanciam
carnis assumpsisti.

4.
<V.> Pudoris signaculum
servans illibatum

<V.> et quem virgo concepit
v{irgo} parit natum.

R° Non decet vas flosculi
esse defloratum
neque inde tollere
matris celibatum.

5.
<V.> Ventris habitaculum
rex regum intravit

<V.> quasi thabernaculum
hoc inhabitavit.

R° Pugnaturus propter nos
ibi se armavit
armis recentissimis
quibus hostem stravit.

6.
<V.> Patrem sua filia
sine passione

<V.> gignit non preambula
viri mixcione

R° sed et hec sola spiritus
fecundacionem
partus sine fisice physice
fit condicione.

7.
<V.> Eya nunc o <d>omina
nos tibi canentes

<V.> ympnorum hec carmina
choro assistentes.

R° Precamur ut filius
tuus sic placetur
per te post exitum
nobis regnum detur.