1.
<V.> Salve regina glorie
emundatrix scorie
imperatrix celica
blande vox angelica
te piam salutavit.

<V.> Ave plena gracia
inquit cum leticia
archangelus Gabriel
tunc regnans Emanuel
cunctorum mendas lavit.

R° Concepisti dominum
salvatorem omnium
et virgo permansisti.

R° Valde pulchrum lilium
pro salute fidelium
et mundo contulisti.

2.
<V.> Girum celi preteris
ellecta preceteris
Cherubin et Seraphin
invictus Beniamyn
honoris vas elegit.

<V.> Te solaris circulus
vestivit lumen globulus
pedibus subicitur
in te dum conficitur
qui cuncta regna regit.

R° Vis carnis et deitas
processit vera trinitas
eburneis a tronis

R° merencium solacium
summi regis pallacium
domus est cedrima.

3.
<V.> Tu vena s<c>aturiens
vitam in te siciens
humectetur roribus
cum excerptis floribus
vini vi dulcorosa.

<V.> Porta manens aurea
virginalis laurea
finis et exordium
fer solamen cordium
sine spina rosa.

R° Tu gemma virginea
tu botrus et vinea
puritatis cella.

R° Corpore castissima
genitrix sanktissima
flagrans maris stella.

4.
<V.> O Maria florum flos
suplices comenda nos
nantes in exilo
amabundo filio
mater et ancilla.

<V.> Iunge thabernaculo
celorum pinaculo
angelorum choreis
ne dampnemur cum reis
pneumatis scintilla.

R° Pietatis tu mire
dies cum velit ire
ne sis odiosa.

R° Extremo in examine
asis pio iuuamine
mater graciosa.