1.
Zacheus arboris ascendit stipite<m>
ut Ihesum cerneret celorum hospitem.
2.
Ihesus dum transiens sursum respiceret
Zacheo imperavit ut descenderet.
3.
Zacheus Ihesum suscipit hospicio
et caritatis pertractat oficio
4.
Illique pandens cordis abitaculum
et si quem defrandavi reddo quadruplum.
5.
Dimidium bonorum do pauperibus
placatur deus talibus muneribus.
6.
Zachee festinans descende huc ad me
quia in domo tua volo manere.
7.
Ut nos de tali letantes convivio
benedicamus dominorum domino.
8.
Laus tibi sit et honor sancta trinitas
deo dicamus infinitas gracias.
