Maria triuni gerula
te precor voce querula
ne aspernaris verba lamentantis.
Ad te regina glorie
peccantem munda scorie
rorantibus ocellis emulantis.
Tot peccatorum fructibus
heu scindor ut remorum ductibus
sum impotens ad portum navigare.
Ne tua per remigia
ad vera reducar vestigia
in brevi me contingunt naufragare.
O trinitatis cella
pudoris lilium
dilectum interpella
pro nobis filium
ut tua prece pia
tribuat Maria
celeste gaudium.
Amen.
