Mundi pulchrum fundamentum
celi fultum firmamentum
sacrum trinitatis templum
vere castitatis exemplum.

O Maria celi via pandida
rosa florum candida
flores hac sine macula
spargens hostis iacula.

Stella maris appellaris fulgida
prole dia gravida
tu flores Aaron virgula
virginumque primula.

Absterge mentis vicia
nunc tua per suplicia
sis nobisque propicia.

Terge cordis flagicia sevicia.

Vite confer spacia
perpetua solacia.

O Maria.

Rex Criste unigenite agnelle dei mistice virtutum fons vita. Mundi caro viva divinitatis hostia eterni patris victima Cum plasmator vite restaurator tuo nos corpore refice sacroque sangwine ablue sordes nostre culpe Ihesu Criste Christe etc.

Beatus Nicolaus iam triumpho potitus vovit suis famulis prebere
celestia comoda qui toto corde poscunt eius peticiones op[?] comittere. Ut aput Christum eius patrociniis adiuvemur semper. Illi

Illi nimirum tota nos devocione oportet comittere.