1.
<V.> <I>hesus Christus nostra salus
quod reclamat omnis malus
nobis sui memoriam
dedit in panis hostiam.

<V.> O quam sanctus panis iste
tu solus es Ihesu Christe
panis cibus sacramentum
quo nunquam maius inventum.

2.
W. Hoc donum suavitatis
caritas que deitatis
virtus et eucaristia
communionis gracia.

W. Ave deitatis norma
dei unionis forma
in te quisque delectatur
qui te fide speculatur.

3.
W. Non est panis sed est deus
homo liberator meus
qui in cruce pependisti
et in carne defecisti.

<V.> Non augetur consecratus
in consumens fit mutatus
nec divisus in fractura
plenus deus in statura.

4.
<V.> Esca digna angelorum
pietatis dux sanctorum
lex moderna comprobavit
quod antiqua figuravit.

<V.> Salutare medicamen
peccatorum relevamen
pasce nos a malis leva
duc post ubi est lux vera.

5.
<V.> Ach quam magna tu fecisti
dum te Christe impressisti
vini et panis specie
a facie in faciem.

W. Caro panis sanguis vinum
est misterium divinum
huic sit laus et gloria
in secula seculorum.

R° Eya jubilantes
vultum attollite
nostro creatori
symphoniis ymnidicis
Christum zelate.