1.
Jesus Cristus nostra salus
quod reclamat omnis malus
nobis sui memoriam
dedit in panis hostiam.

2.
O quam sanctus panis iste
tu solus es Ihesu Christe
panis cibus sacramentum
quo nuncquam magius inventum.

3.
Hoc donum suavitatis 
karitasque deitatis
virtus et eukaristia
comunionis gracia.

4.
Ave deitatis norma 
dei unionis norma
in te quisque delectatur
qui te fide speculatur.

5.
Non es panis sed es deus
homo liberator meus
qui in cruce pependisti
et in carne defecisti.

6.
Non augetur consecratus
in consumens fit mutatus
nec divisus in fractura 
plenus deus in statura.

7.
Esca digna angelorum
pietatis lux sanctorum
lex moderna conprobavit
quod antiqua figuravit.

8. 
Salutare medicamen
peccatorum relevamen
tibi sit laus et gloria 
<per> infinita secula.

9.
O quam magna tu fecisti
dum te Christe impresisti
panis vini in specie
offrancium in facie.

10.
Caro panis sangwis vinum 
est misterium divinum
cui laus est et gloria
per seculorum secula.

Amen.

R° Eya iubilate
vultum attolite
nostro creatori
symphonis ympnidicis
Christum zelate.