1.
<V.> Ave sa<n>ctissima regina
gracia divina 
quam trina
beata 
ante nec posce creavit
maiorem te.

V. Te rex regum deus deorum
dierum multorum
pro morum
virtute 
sponsam in senectute
<traxit ad se>

R° Mira res angelum emiserat
tantum placuisti
plena es gracia quam dixerat
verbo concepisti
virgo permansisti
dixisti
secundum 
verbum tuum iocundum
fiat in me.

2.
R° Mira <V.> Salve crux patrum prophetarum
glosa scripturarum 
multarum 
serata 
porta perambulata
Ezechiel.

<V.> Sicut rubus non concrematus
Moysi flammatus 
servatus 
paris 
mater nescia maris
per Gabriel.

<R°> Aaron arens virga floruit
non nature more
Gedeon vellus mire maduit
de celesti rore
sic salvo pudore dolore
semoto viro gignis ignoto
Emanuel.

3.
<V.> Sal<v>e Ester per te iudeum
salvat Mardocheum 
rex regum
comprehendit 
ferox Amon suspendit
pro scelere.

<V.> Iudit ut caput olofernis
que preest infernis
prosternis
volentem
superbe Iuda gentem
et te perdere.

R° Salomon regis potentissime
mater nuncupata
in Syon sedentis altissimi
dextris sociata
nobis advocata 
vocata
Maria 
virgo clemens et pia
nos protege.