1.
Omnes attendite
animadvertite
quid nam sit plangite
et mentes avertite
ab errore tali

2.
Strennue fortiter
imperator noster
moderni regis pater
requiescat dulciter
erat fractor mali

3.
Voluit eciam
propter clemenciam
heresis demenciam
romanam ecclesiam
fereri et augeri

4.
Exponens argenti
copiam et auri
simulque lapidum
dictum davidicum
ex hinc adimpleri

5.
Post cuius transitum
felicem obitum
per manus principum
regum et comitum
conatur deleri

6.
Illis temporibus
multis honoribus
virtutum floribus
nunc iam doloribus
conferat adimpleri

7.
Insurgunt undique
mine insidie
fides destruitur
clerus opprimitur
papa deridetur

8.
Dei laus decrescit
dolus fraus succrescit
doctoratus tumescit
presulatus vilescit
wlgus deum nescit

9.
Ullulant claustrales
plangunt moniales
omnes quasi mortales
facti sunt speritales
lex est desolata

10.
Nam status militum
clientum civium
falsis dogmatibus
et perversitatibus
resistere nescit

11.
Clerici nam nulli
laycales populi
facti sunt scismatici
per libros heretici
Wiclepf condempnati

12.
Monachis fratribus
et monialibus
Christi fidelibus
ceteris virginibus
vivere vilescit

13.
Rex audit et tacet
nam sibi hoc placet
ach ubi iusticia
committuntur spolia
nec est qui defendat

14.
Terrarum principes
reges cardinales
duces et presules
nos faciunt exules
sua regione

15.
Oremus dominum
patrem et filium
sanctum paraclitum
ut nostrum omnium
status dirigatur

16.
Coniungant civibus 
suis celestibus
ut nos ab omnibus
oppressorum manibus
semper tueatur

17.
Hoc metrum induxit
Symon et instruxit
ut pateat omnibus
illud decantantibus
fidem fluctuare

18.
Licz<et> ipsa fluctuat
rata tamen permanet
audi tu cismatice
et tu heretice
non tamen mergetur