1.
<V.> Ad honorem et decorem
matris domini
iubilemus et psalamus
melos leticie

<V.> quam beavit et ornavit
deus hom[ine]m
ut intraret et crearet
solem iusticie.

R° Hanc sanctus spiritus
replevit celitus
obumbravit illustravit
quam divinitus
dum concepit non recepit
semen humanitus.

2.
<V.> Nil negare matri care
debet filius
sed paratus erit natus
maternis precibus.

<V.> Ergo ora omni hora
rosa lilium
ut te tutos nos exutos
peccati fecibus.

R° Preter te misere
vivimus sine spe
ergo grata advocata
esto propere
ne iniquo et antiquo
dampnemur opere.

3.
<V.> Tu parata et ornata
habitacio
quam beavit et ornavit
excelsi filius.

<V.> Tu sanctorum angelorum
exultacio
dum te vident digne rident
delectabilius.

R° Audi nos florum flos 
omnis dulcoris ros
supplicantes te laudantes
salva populum
ne dampnemur sed letemur
tecum in secula.