1.
In auro fulfo requiescit
virgo que virtutibus florescit
que celum terram capit sinu suo.

Quam princeps poli wlt adamare
ex dulci sompno eam excitare
cicius evacat virtus in summo.

Divinum mirum fluit
se filius includit
in virgine pura.

Cum pneumatis igne
ac dilectum condigne
triumque unum cura.

Eya Maria virgo letare
cum summo gaudio.

2.
An regis Salomonis throno
se exaltavit deus verus homo
cuius electa mater ego sum.

Ascendens de deserto affluens
deliciis delictum amplecteris
michi resultat novum gaudium.

Fulcita sum floribus
angelicis plausibus
sanctorum agmina

orant tue iugiter
prophete aptam dulciter
sacraque pagina.

Afferunt me matrem gracie
ergo transite filii ad me.

3.
Archangelus inpetu custodire
preclaram virginem volo audire
in terris pulchrior non cernitur.

Antequam celum terram crearem
elegi purum vas michi in matrem
cuius virtutis fama non spernitur.

Salutis dyadema
ponam cum manum meam
in capud virgineum.

Dilectus dilectam vocat
ad celi aram
ubi solacium.

Ergo Mariam salutate 
dicentes Ave.