Ave spes et salus infirmorum
desperatorum revocatrix.
Salve fax celestis luminosa
tu copiosa consolatrix.
Laude plus laudabilis
celique terre gyro dominaris.
Virgo venerabilis
mater que sine viro nuncuparis.
Summi regis nostri plasmatoris
fides amoris trinitatis.
Oberati sumus in hac via
virgo Maria male stamus.
In peccatis multum constituti
per te soluti ut fiamus.
Da tuo iuvamine
delectamenta carnis superare.
Ut sine gravamine
die novissima queamus stare.
Coram iusto iudice congaudendo
et non flendo cum dampnatis.
Hoc perpendat homo mundi levis
hec vita brevis cito cedit.
Mors perhennis post hanc imitatur
non terminatur malos ledit.
Cuncta delectacio
peccantibus suavis reputatur.
Longa castigacio
pro hac et in inferno preparata.
A qua nos digneris custodire
Maria fac nos ire cum beatis.
